有兩姊一弟的原子鏸自幼在美國出生和長大，一家六口本來生活愉快，但到她十二歲那年，其母鄭佩佩跟其父因性格不合，決定離婚。 原子鏸表示姊弟間雖然很尊重父母的決定，可是父母的分開，對她們造成一定的影響。原子鏸日前說：「我當年十二歲，都已經大個女，其實睇得出爹哋同媽咪之間有問題，但就冇出聲。記得冇幾耐媽咪搬走咗，我哋就開始跟爹哋住。」  <spanclass="arttextboldbig">做錯事父打手板  有一晚三姊妹傾心事，談到父母離婚一事，原子鏸說：「家姐話見到爹哋同媽咪嘅情況，佢哋話唔敢咁早生BB，而我就覺得唔係好敢太早結婚。」 原子鏸爸爸當年父兼母職，所以對子女管教特別嚴厲，她說：「我哋十幾歲做錯嘢，爹哋會打我哋手板。當時細個會驚、會喊，大個咗就唔驚，爹哋要打，就好自然咁伸隻手過去『應酬』吓佢囉。」  <spanclass="arttextboldbig">翻觔斗弄瘀手腳  因為擔心女兒太早拍拖，原父不准三女兒在學時跟男生交往，原子鏸說：「我十六歲嗰年，有一個男仔約我去ball，不過爹哋知道即刻話唔畀，因為失約，我都好唔開心，重喊咗幾次㖭！」 此外，原子鏸表示小時候曾學習藝術體操，更常在家中翻觔斗，雖然美國的家空間很大，但四肢發達的她翻觔斗時經常碰到家具，弄得手腳常出現瘀痕。 採訪：比華利

當年今日